Ganesha Sharada Stotra Vaibhavam

[Guest guest]

... atha shrii gaNaadhipati pa~ncharatna stotram ..

... dakShiNaamnaaya shri~Ngerii shriishaaradaapiiThaadhipati

sha~Nkaraachaarya jagadguruvaryo shrii sacchidaananda shivaabhinava

nR^isi~Mhabhaaratii mahaaswaamibhiH virachitam ..

 

jaya jaya sha~Nkara

OM shrii lalitaa mahaatripurasundarii paraabhaTTaarikaa sametaaya

shrii chandramauLiishwara parabrahmaNe namaH ..

 

 

OM saraagilokadurlabha~M viraagilokapuujita~M

suraasurairnamaskR^ita~M jaraapamR^ityunaashakam .

giraa guru~M shriyaa hari~M jayanti yatpadaarchakaaH namaami ta~M

gaNaadhipa~M kR^ipaapayaH payonidhim ..

 

giriindrajaamukhaambuja pramodadaana bhaaskara~M

kariindravaktramaanataaghasa~NghavaaraNodyatam .

sariisR^ipesha baddhakukShimaashrayaami santata~M shariirakaanti

nirjitaabjabandhubaalasantatim ..

 

shukaadimaunivandita~M gakaaravaachyamakShara~M

prakaamamiShTadaayina~M sakaamanamrapa~Nktaye .

chakaasata~M chaturbhujaiH vikaasipadmapuujita~M

prakaashitaatmatatvaka~M namaamyaha~M gaNaadhipam ..

 

naraadhipatvadaayaka~M swaraadilokanaayaka~M jwaraadirogavaaraka~M

niraakR^itaasuravrajam .

karaambujollasatsR^iNi~M vikaarashuunyamaanasaiH

hR^idaasadaavibhaavita~M mudaa namaami vighnapam ..

 

shramaapanodanakShama~M samaahitaantaraatmanaa~M sumaadibhiH

sadaarchita~M kShamaanidhi~M gaNaadhipam .

ramaadhavaadipuujita~M yamaantakaatmasambhava~M

shamaadiShaDguNaprada~M namaami ta~M vibhuutaye ..

 

gaNaadhipasya pa~nchaka~M nR^iNaamabhiiShTadaayaka~M

praNaamapuurvaka~M janaaH paThanti ye mudaayutaaH .

bhavanti te vidaa~M puraH pragiitavaibhavaajavaat chiraayuSho.adhikaH

shriyassusuunavo na sa~MshayaH .. OM ..

 

 

...atha shrii shaaradaambaa stavanam ..

 

jaya jaya sha~Nkara

OM shrii lalitaa mahaatripurasundarii paraabhaTTaarikaa sametaaya

shrii chandramauLiishwara parabrahmaNe namaH ..

 

OM piiThe kaa~nchanakalpite suruchire ratnaprabhaabhaasware

naanaala~NkR^itimaNDite vilasitaa~M smeraananaa~M sundariim .

diivyadratnakiriiTakuNDaladharaa~M shiitaamshulekhaanvitaam

devii~M shaaradaniiradojwalaruchi~M shriishaaradaambaa~M bhaje ..

 

hastaagre priyashaarikaa~M vidadhatii~M vaamekare pustakam

shubhrasphaaTikamakShasuutramapare haste vahantii~M cha taam .

shriishR^i~Ngaadriniketanaa~M suvimalaa~M shubhraambaraala~NkR^itaam

vande.aha~M bhavataariNii~M bhagavatii~M bhakteShTadaa~M bhaaratiim ..

 

aadau sha~NkaradeshikendraguruNaa sampuujitaa~M bhaavaye

sevyaa~M tasya paramparaagatamahaashR^i~NgaadripiiThaadhipaiH .

adyaapi sthirabhaktibhaavabharitaiH shriimadbhiraaraadhitaam

vidyaatiirthayatiishwarairabhinavetyaakhyaati puurvaiH sadaa ..

 

 

shriinaatha tridashaadhinaatha girijaanaathaadi devaarchite

taaraanaabhasanaatha chaarumakuTe naathaanyadevo.asti me .

maatastvaa~M na vinaa parastribhuvane poto bhavaambhonidheH

traatavyohamapaaraghoradurita vraataabdhimagnashchiraat ..

 

vipraaste vedamantraiH tavapadayugapa~Nkejalagnaa~Mtara~NgaaH

jha~Nkaarairvibhramanto navasumamadhupaanapramattaashcha bhR^i~NgaaH .

vR^ikSeShuudgiiyamaanairbahuvidhaninadaiH kuujitaiste viha~NgaaaH

ghoShairvai suprabhaata~M tava janani paThantyatra

tu~Ngaatara~NgaaH ..

 

dhanyaaste bhuvi ye vasanti vimale shR^i~Ngaadritiirthe naraaH

tu~NgaasnaanavidhuutasarvaduritaastvatpaadasevaarataaH .

dhanyaaste.api viha~NgabhR^i~NgashapharaaH sarve charantyatraye

maatastvatpadasannidhaanamahimaaveshaashcha dhuuLiilavaaH .. OM ..

 

 

 

 

..atha shrii shaaradaa giitam ..

... dakShiNaamnaaya shri~Ngerii shriishaaradaapiiThaadhipati

sha~Nkaraachaarya jagadguruvaryo shrii chandrashekhara bhaaratii

mahaaswaamibhiH virachitam ..

 

jaya jaya sha~Nkara

OM shrii lalitaa mahaatripurasundarii paraabhaTTaarikaa sametaaya

shrii chandramauLiishwara parabrahmaNe namaH ..

 

kalyaNaani tanotu kaa.api taruNii shR^i~NgaadribhuuShaayitaa

shriimacCha~Nkaradeshikendrakalita~M chakra~M sadaadhiShThitaa .

duurasthaamapi paadanamrajanataa~M vidyaayuraarogya sat

santatyaadimanorathaaptisahitaa~M santanvatii satvaram ..

 

shaaradaamba sharadindunibhaanana bhaasita nikhila digante .

paarade bhavamahaajalaraasheH paalaya maa~M vidhikaante ..

 

dantakaantijita kundasume varakuntala nirdhutabhR^i~Nge .

shaantachittajana santata chintita koTichandrasadR^ishaa~Nge ..

 

paadanamrajana vaa~nChitapuuraNa nirjita nandanavallike .

maadaneShwasana garva nibarhaNa dakSha manohara chillike ..

 

R^iShyashR^i~Ngapura vaasavilole vashyayantra sadR^ishaasye .

pashvada~Nghri shukadevahuutisuta kashyapaadi samupaasye .. OM ..

 

 

 

 

 

...atha shrii shaaradaa bhuja~Ngaprayaata stavanam ..

... dakShiNaamnaaya shri~Ngerii shriishaaradaapiiThaadhipati

sha~Nkaraachaarya jagadguruvaryo shrii sacchidaananda shivaabhinava

nR^isi~Mhabhaaratii mahaaswaamibhiH virachitam ..

 

jaya jaya sha~Nkara

OM shrii lalitaa mahaatripurasundarii paraabhaTTaarikaa sametaaya

shrii chandramauLiishwara parabrahmaNe namaH ..

 

OM smitoddhuutaraakaa nishaanaayakaayai

kapolaprabhaanirjitaadarshakaayai .

swanetraavadhuutaa~Ngajaatadhwajaayai sarojottha satyai namaH

shaaradaayai ..

 

bhavaambodhipaara~M na yantyai swabhaktaan vinaa.ayaasalesha~M

kR^ipaanaukayaiva .

bhavaambhojanetraadi samsevitaayai ajasra~M hi kurmo namaH

shaaradaayai ..

 

sudhaakumbhamudraaviraajatkaraayai vyathaashuunyachittaiH sadaa

sevitaayai .

krudhaakaamalobhaadinirvaapaNaayai vidhaatR^ipriyaayai namaH

shaaradaayai ..

 

nateShTapradaanaaya bhuumi~M gataayai gatenaacChabarhaabhimaana~M

hara~Mtyai .

smitenendu darpa~M cha toShaa~M vrajantyai suteneva namrairnamaH

shaaradaayai ..

 

nataaliiyadaaridryaduHkhaapahantryai

tathaabhiitibhuutaadibaadhaaharaayai .

phaNiindraabhaveNyai giriindrastanaayai vidhaatR^ipriyaayai namaH

shaaradaayai ..

 

sudhaakumbhamudraakShamaalaaviraajat karaayai

karaambhojasammarditaayai .

suraaNaa~M varaaNaa~M sadaa maaniniinaa~M mudaa sarvadaayai namaH

shaaradaayai ..

 

samastaishcha vedaiH sadaagiitakiirtyai niraashaantara~Ngaambujaata

sthitaayai .

puraaraati padmaakSha padmodbhavaadyairmudaa puujitaayai namaH

shaaradaayai ..

 

avidyaapaduddhaara baddhaadaraayai tathaa buddhi

sampatpradaanotsukaayai .

natebhyaH kadaachitswapaadaambujaate vidheH puNyatatyai namaH

shaaradaayai ..

 

padaambhojanamraan kR^itebhiitabhiitaan druta~M

mR^ityubhiitervimuktaan vidhaatum .

sudhaakumbhamudraakShamaalaa karaayai druta~M paayayitvaa yathaa

tR^ipti vaaNii ..

 

mahaanto hi mahya~M hR^idambhoruhaaNi pramodaatsamarpyaasate

saukhyabhaajaH .

iti khyaapanaayaanataanaa~M kR^ipaabdhe sarojaanyasa~Mkhyaani dhatse

kimamba ..

 

sharacchandraniikaashavastreNaviitaa kanadbharmayaShTeraha~Nkaara

bhetrii .

kiriiTa~M sataaTa~Nkamatyantaramya~M vahanti hR^idabje sphuratva~M

sumuurtiH ..

 

nigR^ihyaakShavarga~M tapovaaNi kartu~M na shaknomi

yasyaadavashyaakShavargaH .

tato mayyanaathe dayaa paarashuunyaa vidheyaa vidhaatR^ipriye

shaaradaamba ..

 

vilokyaapi loko na tR^ipti~M prayaati prasanna~M mukhendu~M

kala~Nkaadishuunyam .

yadiiya~M dhruva~M pratyaha~M taa~M kR^ipaabdhi~M bhaje

shaaradaambaamajasrammadambaam ..

 

puraa chandrachuuDo dhR^itaachaaryaruupo girau shR^i~Ngapuurve

pratiShThaapya chakre .

samaaraadhya moda~M yayau yaamapaara~M bhaje

shaaradaambaamajasrammadambaam ..

 

bhavaambodhipaara~M nayantii~M swabhaktaan

bhavaambhojanetraajasampuujyamaanaam .

bhavadbhavyabhuutaagha vidhwa~MsadakShaa~M bhaje

shaaradaambaamajasrammadambaam ..

 

varaaka tvaraa kaa taveShTapradaane katha~M puNyahiinaaya tubhya~M

dadaani .

iti tva~M giraa~M devi maa bruuhi yasmaadaghaaraNyadaavaanaleti

prasiddhaa .. OM ..

 

 

 

 

 

 

..atha shrii shaaradaa parameshwarii

suprabhaatam ..

 

jaya jaya sha~Nkara

OM shrii lalitaa mahaatripurasundarii paraabhaTTaarikaa sametaaya

shrii chandramauLiishwara parabrahmaNe namaH ..

 

OM shriishaarade jaganmaataH puurvaa sa~Mdhyaa pravartate .

uttiShTha karuNaapaa~NgaiH kartavya~M vishwama~Ngalam ..

 

shriishR^i~Ngaadripurii ratnasi~Mhaasananivaasinii .

uttiShTha shaaradaamba shrii sha~Nkaraachaarya sannute ..

 

uttiShThottiShTha bhagavatpaadasha~NkaramuurtibhiH .

jagadgurubhiraaraadhye jagajjanani shaarade ..

 

brahmarShayo.amba sanakaadaya etya bhaktyaa

braahmiimananya manaso hR^idi brahmavidyaam .

tvaamaamanantyupaniShatsarasiija ha~Msiim

shriishaaradaamba varade tava suprabhaatam ..

 

phullaani pa~Nkajavanaani sataa~M manaamsi

dhiivR^ittayashcha saritashcha dishaH prasaannaaH .

aj~naanamaashu timira~M cha viliiyate.amba

shrii shaarade vijayate tava suprabhaatam ..

 

ha~MsaH prayaatyudayamambuja kaananeShu

ha~MsaaH prasannamanaso muditaa ramante .

ha~Msaatmanaa paramaha~Msakula~M mudaaste

shrii shaarade vijayate tava suprabhaatam ..

 

shraddhaaghanaashshamadamaadiyutaa vineyaaH

shuddhaashayaa vidalitaakhilakarmabandhaaH .

aaj~naavimukti padabhaaja ime bruvanti

shrii shaaradaamba vimala~M tava suprabhaatam ..

 

giirvaaNavR^indamakhila~M purato vidhaaya

giirvaaNavandyamupayaatyuchitopahaaraiH .

sharvaadisannutapadaamiha sevitu~M tvaam

shrii shaaradaamba shivada~M tava suprabhaatam ..

 

sarvaartihaariNi samasta sukhapradaatri

durvaadigarvashamayitri jagajjanitri .

nirvaaNadaatri nigamaanta vibodhayitri

shrii shaarade shivaswaruupiNi suprabhaatam ..

 

sadvedashaastra nigamaanta rahasya vij~naaH

praaj~naastvada~Nghri sarasiija paraagagandham .

aaghraaya divyamabhavannikhilaaH kR^itaarthaaH

shrii shaarade sumanasastava suprabhaatam ..

 

muktisthitaa karatale hR^idaye pramodaH

jihvaagragaashcha sahasaiva samastavidyaaH .

tvaddarshana~M bhavati yasya hi tasya pu~MsaH

shrii shaaradaamba shubhada~M tava suprabhaatam ..

 

tvatsa~MsmR^ite.arapi nara~M vijahaatyalakSmiiH

lakShmiiH samaashrayati nuunamacha~nchalaamba .

shraddhaavataa~M tvayi vimuktirayatnasiddhaa

shrii shaarade jagadadhiishwari suprabhaatam ..

 

brahmaatmabhaavamadhigamya hR^idaa sadaatmaa

raamaa api tvadamalaa~Nghri sarojareNuun .

vaa~nChatyamii paramaha~Msakulaavata~MsaaH

shii shaaradaamba hR^idaye tava suprabhaatam ..

 

tu~Ngaasaridvimalavaari tara~Ngara~Nga

ri~Ngatsarojavanadivya sugandhavaahaH .

a~NgiikuruShwa pavanaH prakaroti sevaam

shrii shaaradaamba kR^ipayaa tava suprabhaatam ..

 

praak sindhu paathasi trayiitanureShabhaktyaa

snaatastathodaya giraavuditastapaswii .

tvatpaadapadmabhajanaaya sahasrabhaanuH

shrii shaaradaamba samudeti cha suprabhaatam ..

 

brahmaachyutatrinayanaa vinayena bhaktyaa

si~Mhaasane sthitavatii~M praNavaswaruupaam .

vaachaa hR^idaa cha vapuShaa cha samaashrayanti

shrii shaaradaamba parameshwari suprabhaatam ..

 

indraanalaadaya ime digadhiishwaraashcha

suuryendubhaumabudhagiiShpati shukramukhyaaH .

sarve grahaashcha bhayabhaktiyutaa namanti

shrii shaarade tava maheshwari suprabhaatam ..

 

devaa~NganaamaNigaNashcha shachiimukho.ayam

tvaamiishwarii~M trijagadeka samarchaniiyaam .

sa~Msevitu~M susamaye samupaagate.asmin

shrii shaaradaamba vihite tava suprabhaatam ..

 

vaachaa sudhaa madhurayaa ramaNiiya sapta

tantriiprakarsha madhurasvanayaa mahatyaa .

devarShivarya iha gaayati bhaktinamraH

shrii shaaradaamba madhura~M tava suprabhaatam ..

 

tvatpaadapa~Nkaja paraaga sugandhalesham

aaghraaya satkavimadabhramaraa prahR^iShTaaH .

gaayanti komalamanoharavR^ittapadyaiH

shrii shaaradaamba lalitaistava suprabhaatam ..

 

shrii vyaasasha~Nkarasureshwarapadmapaadaa

dyaachaaryavaryaparipuujita paadapadme .

liilaashukaakShavalayojwala paaNipadme

shrii shaaradaamba parame tava suprabhaatam ..

 

padmaakShi padmamukhi padmabhavaadivandye

padmaalaye.akhilavaraabhaya paaNipadme .

hR^itpadmapiiThamadhitiShTha mamaapi maataH

shrii shaarade karuNayaa tava suprabhaatam ..

 

yaH pustakaakShavalayaa~nchita paaNipadmaam

vaagiishwarii~M hR^idayapadmagataa~M smaretvaam .

vaagiishataa~M samupayaati sa sadya eva

shrii shaaradaamba bhuvane tava suprabhaatam ..

 

sa~Msaarasaagaramapaaramanantalola

kallola durlalitametamatiityatuurNam .

tiirNaH swaya~M sa khalu taarayati shritaamshcha

shrii shaarade smarati yastava suprabhaatam ..

 

raakaashashaa~NkaramaNiiya manoj~nakaantim

somaavatamsamakuTaa~M sumakomalaa~Ngiim .

tvaa~M sa~Msmaraami kR^ipayaiva vilokayantiim

shrii shaaradaamba hR^idi maa~M tava suprabhaatam ..

 

daatu~M trivargamapavargamapi trilokyaaH

nuuna~M nijasmaraNato.api samedhamaane .

tvadvaktra chandramasi chandramasaapayaatam

shrii shaaradaamba shashinaa tava suprabhaatam ..

 

puurNe kala~Nkarahite bhuvanaartihaari##-##

Nyaj~naanasantamasabhedini tvanmukhendau .

nityodite jagati bhaktachakoralokaH

shrii shaaradaamba muditastava suprabhaatam ..

 

puNyaaH striyaashcha puruShaashcha kalaavapi tvaam

maataryadaa kR^itayuge parayaamba bhaktyaa .

sa~Msevya shR^i~NgagiripiiThagataa~M kR^itaarthaaH

shrii shaarade kR^itadhiyastava suprabhaatam ..

 

tvatsevanaaya bhavabandhavimuktikaamaaH

kaaruNyakalpalatike katichinmahaantaH .

aayaanti shuddhacharitaassudhiyashcha bhaktaaH

shrii shaarade pramuditaastava suprabhaatam ..

 

shrii chandrashekhara jagadguru saarvabhauma

shrii paaNi padmaja jagadgurusaarvabhaumaiH .

tatpaaNipa~Nkaja samuttha guruuttamaishcha

shrii shaaradaamba vinute tava suprabhaatam ..

 

ye sajjanaa anudina~M muditaaH prabhaate

bhaktyaa paThanti parayaa bhuvi shaaradaayaaH .

shriisuprabhaata vinuti~M sakalairvimuktaaH

kleshaiH prayaanti puruShaartha chatuShTaya~M draak ..

 

ye suprabhaatamidamaashritavatsalaayaaH

shraddhaayutaa anudina~M hR^idi shaaradaayaaH .

praataH paThanti manujaa jagadambikaayaaH

te praapnuvanti sujanaassakaalaanabhiiShTaan ..

 

shrii shaaradaa suprabhaata smaraNaatkaruNaanidhiH .

paaradaa syaat kShaNenaivaapaarasa~Msaara vaaridheH ..

 

 

 

jaya jaya sha~Nkara

OM shrii lalitaa mahaatripurasundarii paraabhaTTaarikaa sametaaya

shrii chandramauLiishwara parabrahmaNe

namaH ..