AryApa~nchadashIstotram

[Guest guest]

Namaste,

 

This is the second of the "smaller" works of tyAgarAjA that I

am posting. Like the previous one (navAkSharIstotram) and many

more in the text (that i hope to post later), the syllables of

sacred shrIvidyA mantrA(s) are incorporated in the first letters

of the verses of the stotrA. Corrections are welcome.

 

Regards,

Sridhar.

 

________________________

 

\centerline {AryApa~nchadashIstotram}

\centerline {tyAgarAjavirachitam}

 

karakalitachApabANA.n kalhArAN^ghri.n namAmi kalyANIm .

ka.ndarpadarpajananI.n kaluShaharA.n kAmitArthaphaladAtrIm .. 1 ..

 

eShA stotum vANI naiva samarthA taveshi mahimAnam .

sheSho.apyabdasahasraiH sheSha.n kR^itavAn maheshi tava charitam .. 2 ..

 

IshitvAdisupUjyAmindindirakeshAbhArasUllasitAm .

indIvaradalanayanAmIpsitadAtrI.n namAmi sharvANIm .. 3 ..

 

lasadaruNabhAnukoTidyutinidhimambA.n surendralakShyapadAm .

lalitA.n namAmi bAle lalitashivahR^idayakamalakalaha.nsIm .. 4 ..

 

hrI.nkArabIjarUpe himagirikanye harIndrabhavavandye .

himakaradhavalachchhatre hitAya bhava naH sadA mahArAj~ni .. 5 ..

 

harShotkarajanayitrI hasitajyotsnA taveyamanavadye .

haragalahAlAhalamapi harati trailokyamohatimira.n te .. 6 ..

 

sakalamanorathadAne satyapi charaNe natasya tava nipuNe .

sa.nsevyate surataruH sadAj~nalokairnu kR^ichchhraphaladAtA .. 7 ..

 

kanakaruche chaTulagate kaThinastanabhAranamrakR^ishamadhye .

kAnte kaN^kaNahaste kambugrIve namo.astu te karuNe .. 8 ..

 

haranayanAnandakare harAN^kasa.nsthe haripramukhavandye .

haranaTanasAkShibhUte harArdhadehe namo.astu te sukR^ipe .. 9 ..

 

lakShmIpradakaruNA yA lakShmIpatimalpamamba kartumalam .

lakShyam kuru mA.n tasyA lAvaNyAmR^itataraN^gamAle tvam .. 10 ..

 

hrI.nkAraratnagarbhe hemAchalamandarastanollasite .

herambapriyajanani he vasudhe dehi me kShamA.n nityam .. 11 ..

 

satsa.npradAyavidite sakalAgamanigamasAratattvamayi .

sAvitryarpaya vadane sakalarasAshrayasuvAksudhAdhArAm .. 12 ..

 

karakaN^kaNamaNidinamaNikaravikasitacharaNakamalamakarandam .

karuNApayonidhe me kAmAkShi svAntaShaTpadaH pibatu .. 13 ..

 

lasadikShuchApasumasharalakShitadorvallivIryamabhayena .

lakShAdhikadaityakula.n lavupaTavAsa.n kR^ita.n katha.n chitram .. 14 ..

 

hrI.nkArakelibhavane himakaramaulyaN^kama~njuparyaN^ke .

hR^idayasaroje me vasa hR^idayAnandaprabodhaparaha.nsi .. 15 ..

 

AryApa~nchadashI.n tAmAryA.n yo bhajati shuddhadhIrnityam .

bhArye lakShmIvANyau paryAtAt tasya sAdara.n bhavataH .. 16 ..

 

ityAnandanAthapAdapapadmopajIvinA kAshyapagotrotpannenAndhreNa

tyAgarAjanAmnA virachita.n navAkSharIstotra.n sa.npUrNam