.. mantramaatR^ikaapushhpamaalaa ..

[Guest guest]

... mantramaatR^ikaapushhpamaalaa ..

 

kallolollasitaamR^iutaabdhilahariimadhye viraajanmaNi-

dviipe kalpakavaaTikaaparivR^iute kaadambavaaTyujjvale.

ratnastambhasahasranirmitasabhaamadhye vimaanottame

chintaaratnavinirmitaM janani te siMhaasanaM bhaavaye..1..

 

eNAN^kaanalabhaanumaNDalalasachchhriichakramadye sthitaaM

baalaarkadyutibhaasuraaM karatalaiH paashaaN^kushau bibhratiim.h.

chaapaM baaNamapi prasannavadanaaM kausumbhavastraanvitaaM

taaM tvaaM chandrakalaavata.msamakuTaaM chaarusmitaaM bhaavaye..2..

 

IshaanaadipadaM shivaikaphalakaM ratnaasana.m te shubhaM

paadyaM kuN^kumachandanaadibharitairarghyaM saratnaakshataiH.

shuddhairaachamaniyaka.m tava jalairbhaktyaa mayaa kalpitaM

kaarunyaamR^iutavaaridhe tadakhilam saMtushhTye kalpataam.h ..3..

 

lakshye yogijanasya rakshitajagajjaale vishaalekshaNe

praaleyaambupaTiirakuN^kumalasatkarpuuramishrodakaiH .

gokshiirairapi naarikelasalilaiH shuddhodakairmantritaiH

snaanaM devi dhiyaa mayaitadakhila.m saMtushhTaye kalpataam.h ..4..

 

hriiMkaaraaN^kitamantralakshitatano hemaachalaatsaMchitai

ratnairujjavalamuttarIyasahitaM kausumbhavarNaaMshukam.h.

muktaasaMtatiyaGYasuutramamala.m sauvarNatantuudbhavaM

dattaM devi dhiyaa mayaitadakhilaM saMtushhTaye kalpataam.h ..5..

 

haMsairapyatilobhaniiyagamanee haaraavaliimujjvalaaM

hindoladyutihiirapuuritatare hemaaN^gade kaN^kaNe.

maJNjiirau maNikuNDale makuTamapyardhenduchuuDaamaNiM

naasaamauktikamaN^guliiyakaTakau kaaJNchiimapi sviikuru ..6..

 

sarvaaN^ge ghanasaarakuN^kumaghanashriigandhapaN^kaaN^kitaM

kastuuriitilakaM cha phaalaphalake gorochanaapatrakam.

gaNDaadarshanamaNDale nayanayordivyaaJNjanaM te.aJNchitaM

kaNThaabje mR^iganaabhipaN^kamamalaM tvatpriitaye kalpataam.h ..7..

 

kalhaaroutpalamallikaamaruvakaiH sauvarNapaN^keruhai-

rjaatiichampakamaalativakulakairmandaarakundaadibhiH .

ketakyaa karaviirakairbahuvidhaiH kluptaaH srajo maalikaaH

saMkalpena samarpayaami varade saMtushhTye gR^ihyataam.h ..8..

 

hantaaraM madanasya nandayasi yairaN^gairanaN^goujjvalai-

ryairbhR^iN^gaavaliniilakuntalabharairbadhnaasi tasyaashayam.h .

taanimaani tavaamba komalataraaNyaamodaliilaagR^ihaa-

Nyaamodaaya dashaaN^gaguggulughR^itairdhuupairahaM dhuupaye ..9..

 

 

lakshmiimujjvalayaami ratnanivahodbhavaasvattare mandire

maalaaruupavilambitairmaNimayastambheshhu sa.mbhaavitaiH .

chitrairhaaTakaputtrikaakaraghR^iutairgavyairghR^itairvardhitai -

rdivyairdiipagaNairdhiyaa girisute saMtushhTaye kalpataam.h ..10..

 

hriiMkaareshvari taptahaaTakakR^itaiH sthaaliisahasrairbhR^itaM

divyaannaM ghR^itasuupashaakabharitaM chitraannabhedaM tathaa .

dugdhaannaM madhusharkaraadadhiyutaM maaNikyapaatre sthitaM

maashhaapuupasahastramamba saphalaM naivedyamaavedaye ..11..

 

sachchhaayairvaraketakiidalaruchaa taambuulavalliidalaiH

puugairbhuuriguNaiH sugandhimadhuraiH karpuurakhaNDojjvalaiH .

muktaachuurNaviraajitairbahuvidhairvaktraambujaamodanaiH

puurNaa ratnakalaachikaa tava mude nyastaa purastaadume ..12..

 

kanyaabhiH kamaniiyakaantibhiralaMkaaraamalaartikaa-

paatre mauktikachitrapaN^ktivilasatkarpuuradiipaalibhiH .

tattattaalamR^idaN^gagiitasahitaM nR^ityatpadaambhoruhaM

mantraaraadhanapurvakaM suvihitaM niiraajanaM gR^ihyataam.h ..13..

 

lakshmiirmauktikalakshakalpitasitachchhatraM tu dhatte rasaa-

dindraaNii cha ratishcha chaamaravare dhatte svayaM bhaaratii.

viiNaameNavilochanaaH sumanasaaM nR^ityanti tadraagava-

dbhaavairaaN^gikasaattvikaiH sphuTarasaM maatastadaakarNyataam.h ..14..

 

hriiMkaaratrayasaMpuTena manunopaasye trayiimaulibhi-

rvaakyairlakshyatano tava stutividhau ko vaa kshametaambike .

sallaapaaH stutayaH pradakshiNashataM saMchaara evaastu te

saMvesho namasaH sahasramakhilaM tvatpriitaye kalpataam.h ..15..

 

shriimantraaksharamaalayaa girisutaaM yaH puujayechchetasaa

saMdhyaasu prativaasaraM suniyatastasyaamalaM syaanmanaH' .

chittaambhoruhamaNTape girisutaa nR^ittaM vidhatte rasaa-

dvaaNiiM vaktrasaroruhe jaladhijaa gehe jaganmaN^galaa ..16..

 

iti girivaraputriipaadaraajiivabhuushhaa

bhuvanamamalayantii suuktisaurabhyasaaraiH .

shivapadamakarandasyandiniiyaM nibaddhaa

madayatu kavibhR^iN^gaanmaatR^ikaapushhpamaalaa ..17..

 

 

______________________

Get Your Private, Free E-mail from MSN Hotmail at http://www.hotmail.com